Hvað er í gangi?

Nú eru kvikmyndahúsin búinn að hækka verðið hjá sér aftur og kenna launahækkunum um. Sem er reyndar skiljanlegt þar sem þeir gátu ekki kennt Dollaranum um núna en krónan hefur einmit verið að styrkjast gagnvart honum. Sem ætti auðvitað að að þýða lækkun á miðaverði, en eins og almenningur hefur eflaust áttað sig á þá er menn mun fljótari að hækka verð út af gengisbreytingum frekar en að lækka það.

Ég vil líka vekja athygli á því sem ég var að átta mig á í gær, en það er að nú á allt að hækka, ekki bara bensín, bíó og matur heldur einnig allar vörur í apótekum, t.d. var ég að kaupa umbúðir í gær á sár sem ég er með, það stóð í hillunni að þær ættu að kosta 169 kr. sem er ásættanlegt, en þegar ég kom á kassann þá var verðið búið að breytast í tæpan 300 kr.! þar sem afgreiðslustúlkan var almennileg þá lét hún mig borga gamla verðið en það eru lög að verðið á hillunni stendur, þannig ef þú lesandi góður verður var við misræmi af hilluverði og þegar kemur á kassann þá átt þú réttinn.

Svo lítið skondið að það sé hægt að hækka launin hjá manni og allt annað um leið og kenna svo launahækkuninni um!

Verð bíómiða að hækka