Róleg helgi

Helgin var tekinn rólega í þetta skiptið, ég fékk frí frá Nordica bæði laugardag og sunnudag og ákvað að taka því rólega og fara heim í sveitina. Ég kom heim um hálf níu leitið og sá þá seinni helminginn af Árborg - Ægi þar sem mínir menn rúlluðu 6-0 yfir Ægi og voru 5 mörk skoruð í seinni hálfleiknum.
Um kvöldið var kíkt á félagana á Krúsina og þaðan var haldið á Peikerinn sem var jafn glataður og síðast þegar maður fór þangað, hlakka til að kíkja í Hvíta húsið þegar það verður opnað aftur, en þar á víst að koma fínn veitingastaður og pöb með pool og alles.
Laugardagurinn var leti og þynnkudagur, held barasta að ég hafi ekki gert neitt allan daginn, sem var ágætt.
Í dag er svo stefnan tekin á að fara á æfingu kl: 16 og svo er spurning um að kíkja í bíó í kveld, finnst samt eitthvað svo glataðar myndir í selfossbíó.

Ekkert fleirra að sinni

Eitt stykki blogg

Eftir að hafa tekið mig góðan tíma í að jafna mig eftir síðasta bloggklúður þá hef ég ákveðið að skrifa örfá orð.

Byrjum á því sem átti að standa í síðasta bloggi.
Daginn sem Pravda brann þá lenti ég í skemmtilegum aðstæðum, en þær voru að ég læsti íbúðinni minni með bæði lyklana af íbúðinni og bílnum mínum innandyra, og eftir miklar vangaveltur og íhugun um innbrot í íbúðina, þá áhvað ég að hringja í Mæju systir sem ég hringi ósjaldan í þegar hin og þessi vandamálin dynja yfir hjá mér sem eru ófá. Hún reddaði málunum og sótti mig eftir vinnu út á pizza rizzo eftir einn og hálfan tíma þar sem ég sat í öngvum mínum. Síðan keyrði hún mig niður í miðbæ til þess að sækja hina lyklana og svo aftur til baka, þessi ferð tók ca. 2 tíma þar sem bruninn stóð sem hæstur á þessum tíma. En allt reddaðist þetta og Mæja fær þúsund þakkir fyrir að standa í þessu.

Síðan að smá væli, en ég verð bara að væla aðeins yfir þessu kerfi í kringum húsaleigubæturnar. Sko, fyrst var mér sagt frá Ráðhúsi Árborgar að ég gæti sótt um húsaleigubætur í Árborg ef ég mundi bara flytja aðsetrið mitt í Árbæinn (það er til þess að geta fengið dreifbýlisstyrk næsta haust þegar ég fer í skólann) en ok ég sæki um þessar bætur og ætlaði að græja þetta aðsetur dæmi eftir á þar sem það átti ekki að vera neitt vandamál að sögn Ráðhúsi Árborgar, það eina sem ég þyrfti væri vottorð frá skóla eða VINNUSTAÐ! að ég sé í námi.
En auðvitað var þetta ekki svo einfalt, þegar ég er kominn út í þjóðskrá til þess að breyta aðsetrinu mínu þá dugir bara að vera með vottorð frá skóla, svo til þess að fá bætur þá þyrfti ég að breyta lögheimilinu mínu í Árbæinn, svo ég gerði það og sagði Ráðhúsi Árborgar frá því og sagðist svo ætla að bruna á Selfoss til þess að klára þetta, en svo þegar ég er kominn á Selfoss þá fatta þau í Ráðhúsinu að núna þyrfti ég auðvitað að sækja um bæturnar í Árbænum þar sem lögheimilið mitt væri dööh, hefði svo sem getað fattað það sjálfur.
Þannig að ég fór heim í Árbæinn í dag til þess að sækja um bætur hjá þeim, en þá er þetta orðið allt of seint og líklega fæ ég engar bætur fyrir apríl mánuðinn en það er ekki alveg víst.
Það asnalega við þetta mál er það að þegar ég fer í skólann í haust þá þarf að breyta lögheimilinu aftur og aðsetri til þess að fá dreifbýlisstyrkinn og svo þarf líklega að breyta þessu öllu aftur þegar ég er búinn með bekkinn og svo öllu aftur þegar ég fer í þriðjabekkinn, verð bara að segja að þetta er fokkings kjaftæði og ég þyrfti að hitta einhvern sem einhverju ræður í þessum efnum og segja honum það.

Ég veit að þetta var langt og leiðinlegt blogg en þér var nær að lesa það :Þ

Fokking heitasta helvíti

Veit ekki hvort það var vírusvörnin mín eða blog.is en ég var allavega  búinn að skrifa þvílíkt langt blogg sem ég var búinn að vista og birta og svo kemur eitthvað fokkings error on page og allt þurrkað út, og ég nenni ekki að skrifa þetta aftur þar sem það er komin mið nótt, skrifa eitthvað seinna ef ég nenni

Þunnur og STAUR BLANKUR

Var að klára að koma íbúðinni í stand eftir gærkvöldið eftir alveg massíft 7 manna partý sem átti að vera svona innflutnings/kveðjupartý fyrir staffið á Rauða Húsinu, sem var soldið sérstakt þar sem enginn mætti frá Rauða Húsinu sem var soldið skítt þar sem það var mikið haft fyrir þessu partýi, það voru t.d. gerðar 3 tegundir af hlaupskotum, köld ostídýfa og heit nachos-dýfa. Ekki það að þetta hafi ekki verið fínt lið sem mætti svo en ekki alveg veitingarnar sem maður hefði haft fyrir.

Svo var ég að kíkja á stöðuna á kortinu mínu, og ég fékk áfall, óþarfi að nefna hver upphæðin var, en get allavega sagt að peningurinn sem ég ætlaði að lifa á yfir mánuðinn er núna deildur með 2. Það eina sem ég eyddi í var klippingu (á hommarlegustu stofu ever þar sem voru bara strákar að vinna, sem hefði sloppið ef þeir höfðu ekki líka þvegið á mér hárið í svona korter ), peysu, ríkið (ein kippa og lítill vodkapeli) og svo innkaup fyrir þetta frábæra partý.

Nóg af væli í bili, og aðeins að öðru, því ég var að fá geggjaðar rauðar gardínur frá mömmu sem hún saumaði sjálf, þúsund þakkir fyrir það

Þvottavélin mín

Núna um daginn þá gaf pabbi mér glænýja þvottvél sem ég valdi sjálfur í Elko, fínasta vél, maður getur stillt delay á henni en þá seinkar maður þvottinum, maður gæti t.d. sett á 6 tíma delay rétt áður en maður fer að sofa og svo þegar maður vaknar morgunninn eftir þá er vélin nýbúinn að þvo, þvílík snilld!

En eitthvað vafðist það fyrir mér að ganga rétt frá vélinni, allavega þá fattaði ég ekki að taka eitthvað járnstykki af sem er aftan á vélinni, með þeim afleiðingum að allt fór í steik þegar ég var að þvo mína fyrstu vél. Það sem gerðist var að vélinn hoppaði og skoppaði út um allt þvottarhús og reif meira segja aðrar vélar með sér og tók niðurfallið í sundur og hvaðeina .

En ég fattaði ekki strax hver vandinn væri, hélt bara að ég hafði balenserað hana eitthvað vitlaust. Síðan þegar þetta skeður aftur, þá ákveð ég að hringja í Elko og spurjast aðeins út í þetta og þá segja þeir mér þetta með járndraslið, en þá þurfti maður auðvitað að fara sér ferð út í næstu bensínstöð til þess að kaupa skiptilykil til þess að losa þetta drasl. En vélin er allavega kominn í ,,lag" núna.

Annars er það að frétta af mér, að ég og Kalli erum búinr að mála og koma flestum húsgögnum fyrir, ég er kominn með internet, en internetleysið var farið að gera mann brjálaðan. Svo er maður á leiðinni á Fed le grand á miðvikudaginn og er meira að segja búinn að kaupa miða, en það tók mig tvær ferðir út í kringlu þar sem ég á mjög erfitt með að læra það að allt lokar kl 18.00 þar.

Ekkert fleirra að sinni.

Ég er orðinn Árbæingur

Fyrir þá sem ekki vita þá er ég kominn með íbúð út í Hraunbæ í Árbænum með honum Kalla félaga mínum. Íbúðin er rúmgóð eða í kringum 90 fm, en hún samt soldið sjúskuð, það er að segja, eldhúsinnréttingin er ljót gólfin blettótt, nokkrir gluggar ólokanlegir og veggir götóttir. En þetta er samt hin þokkalegasta íbúð, við ætlum að skella málingu á veggina og á eldhúsinnréttinguna. Ég tók mig til á sunnudaginn að spasla í öll göt sem ég fann, viðurkenni alveg að það hefði alveg verið hægt að gera þetta betur en veggirnir eru allavega skárri núna, síðan vonast ég til að Kalli klári að teipa í dag og svo getum við farið að mála á þriðjudag.

En svona aðeins að helginni, þá var ég að vinna auka bæði á föstudag og á laugardag og það var alveg brjálað að gera, svo lenti ég í því á föstudagskvöldið að vera læstur úti hjá Gumma bró þar sem ég gisti þar til íbúðin er kominn í smá stand, svo þegar ég ætla að hringja í hann Gumma þá fatta ég að síminn minn sé rafmagnslaus og þarf ég að fara út á næstu bensín stöð til þess að hringja í hann, eftir að hafa gert það og fengið þá skíringu að bæði Gummi og Stebbi sem leigir með honum séu út í sveit og ég sé læstur úti með enginn hrein föt og enga gistingu, þá tók ég mér smá tíma og hugsaði hvað ég gæti gert í málinu.

 Þá datt mér í hug að vekja Mæju systur 12 um nótt og biðja um gistingu, hún leyfði mér það og gisti ég í rúmmi dóttur systur minnar sem verður 5 ára á miðvikudaginn.

Mojo kveður að sinni.

Reykjavík.

Þá er maður búinn með fyrsta alvöru daginn á Nordica (sem var í gær), og ég get svarið það að þegar ég vaknaði í gærmorgunn þá var gjörsamlega allt að mér: ég var með hálsbólgu, með sýkingu í putta og blöðru og tognaðann ökkla . Þannig að ég er helvíti feginn að vera í tvo daga í fríi til þess að jafna mig.

Dagurinn gekk vel þrátt fyrir að vera fjölfatlaður, ég var settur niður í baguette eldhúsið sem er svona veislueldhús, þar mun ég vera til að byrja með og svo færist maður upp í bistroið og síðan upp á Vox. Mér finnst það fínt að byrja þarna, þetta er alveg nýr heimur fyrir mig og eiginlega meira framandi en Vox.

Núna er ég að leita mér að íbúð til leigu, og hvað er eiginlega málið með verðið á þessu. Ég er búinn að vera að skoða 3 herbergja íbúðir, þar sem við ætlum að vera tveir að leigja saman, og það ódýrast sem ég finn er 90 þús kall og það er í efra Breiðholti, þar sem maður getur bókað að vera laminn svona allavega einu sinni í mánuði.

Ef einhver veit ódýra íbúð til leigu, hafið þá vinsamlegast samband

Jæja...

...soldið síðan ég bloggaði síðast, og það er margt að frétta!

Það síðasta sem skrifaði um mig var þegar ég varð 22 ára, síðan þá þá hef verið að hugsa mig um hvað ég sé að gera í lífinu, og það að ég búi ennþá heima hjá mér og það að ég sé ennþá að vinna á Rauða húsinu sem hefur í sjálfu sér verið ágætt en ég hef í frekar langann tíma fundist ég vera staðnaður þar en hef aldrei lagt í það að gera neitt í því.

En núna er von á breytingum, í síðustu viku þá fór ég í prufu á Hótel Nordica og mér leist bara mjög vel á það sem var í gangi, flottur matur, skemmtilegt andrúmsloft o.s.frv. Síðan talaði ég við yfirkokkinn á miðvikudaginn og hann vill fá mig á samning sem fyrst og er ég að öllum líkindum að byrja á honum í næstu viku ef allt lofar, núna þarf ég bara að finna leið til þess að geta keypt íbúð en það virðist vera þrautinni þyngri fyrir nema sem hafa í kringum 130 þús kall á mánuði, en ég hef alla trú á að það reddist.

Ekkert fleirra að sinni.

Gott mál.

Ég er ánægður með þessa nýju stefnu að bjóða mönnum upp á samfélgsvinnu í staðinn fyrir fangelsisvist. Mér finnst reyndar að það ætti bara að neyða menn í svona, sérstaklega þessa hvítflipa á kvíarbryggju sem gera ekki annað en að væla yfir lélegum rúmmum, það hafði t.d. verið mátulegt að láta kalla eins og Árna Johnsen tína rusl og dósir á meðan á fangelsis vistinni stóð!

Vinnur í viku hjá Hafnarfjarðarbæ upp í kostnað vegna tjóns

Erfitt mál

16 ára strákur á 17 ári fær 4 ár fyrir tilraun til manndráps.

Sko ég hef áður skrifað að mér finnist að herða þurfi refsingar hér á landi, en jafnframt því að herða refsingar þá þarf líka að taka tillit til þess þegar menn eru veikir á geði, í þessu tilviki mjög vanþroska einstaklingur og á mörkunum að vera þrokaheftur, þá á refsing eins og fangelsisvist  engan veginn við. Auðvitað á að refsa honum, en fyrst og fremst þarf hann að fá meðferð til þess að kenna honum að greina frá réttu og röngu. Strákurinn sýndi t.d. litla yðrun og hafði enga ástæðu fyrir verknaðinum. Svo segir strákurinn sjálfur einu hugsanlega ástæðuna fyrir þessu hafi verið áhrif frá bíómyndum sem bendir veruleika firringar að mínu mati.

Foreldrar hans segja að hann hafi verið mjög lokaður og hafi t.d. borðað inn í herbergi hjá sér frá 14 ára aldri. Þannig að vissu leiti þá vil ég meina að foreldrar stráksins hafi mátt verið aðeins meðvitaðri um barnið sitt og er þetta mál vonandi víti til varnaðar fyrir foreldra sem eiga krakka sem eru svona lokaðir, vina fáir og kannski almennt þunglyndir. Skil vel að foreldrar séu ráðþrota hvað þeir eigi að gera, en það hljóta vera til sálfræðingar sem geta leiðbeint þeim, vegna þess að ef ekkert er að gert þá gætu svona lagað gerst aftur og þá hlýst kannski morð af!

Dæmdur í fjögurra ára fangelsi fyrir tilraun til manndráps