Erfitt mál

16 ára strákur á 17 ári fær 4 ár fyrir tilraun til manndráps.

Sko ég hef áður skrifað að mér finnist að herða þurfi refsingar hér á landi, en jafnframt því að herða refsingar þá þarf líka að taka tillit til þess þegar menn eru veikir á geði, í þessu tilviki mjög vanþroska einstaklingur og á mörkunum að vera þrokaheftur, þá á refsing eins og fangelsisvist  engan veginn við. Auðvitað á að refsa honum, en fyrst og fremst þarf hann að fá meðferð til þess að kenna honum að greina frá réttu og röngu. Strákurinn sýndi t.d. litla yðrun og hafði enga ástæðu fyrir verknaðinum. Svo segir strákurinn sjálfur einu hugsanlega ástæðuna fyrir þessu hafi verið áhrif frá bíómyndum sem bendir veruleika firringar að mínu mati.

Foreldrar hans segja að hann hafi verið mjög lokaður og hafi t.d. borðað inn í herbergi hjá sér frá 14 ára aldri. Þannig að vissu leiti þá vil ég meina að foreldrar stráksins hafi mátt verið aðeins meðvitaðri um barnið sitt og er þetta mál vonandi víti til varnaðar fyrir foreldra sem eiga krakka sem eru svona lokaðir, vina fáir og kannski almennt þunglyndir. Skil vel að foreldrar séu ráðþrota hvað þeir eigi að gera, en það hljóta vera til sálfræðingar sem geta leiðbeint þeim, vegna þess að ef ekkert er að gert þá gætu svona lagað gerst aftur og þá hlýst kannski morð af!

Dæmdur í fjögurra ára fangelsi fyrir tilraun til manndráps

Athugasemdir

[Anna Sigga, 8.2.2007 kl. 18:06]

Sorglegt!

  Hefur færst hvílíkt í aukana að fólk (sérstaklega drengir) vilji prófa að drepa. Ég segi það ekki að það eigi alltaf við þar sem að í þessu tilviki var um einhvers konar veikindi að ræða en ég vil nú meina að það þurft andlegan misbrest til að geta framið slíkan verknað á annað borð.

[Josiha, 9.2.2007 kl. 00:47]

Sorglegt mál...

[Guðmundur Marteinn Hannesson, 9.2.2007 kl. 11:27]

sammála...

þetta réttkerfi þarf spark í rassinn...

Það er alveg óskiljanlegt að einhvern langi að prufa að drepa einhvern.

[Daði Már Sigurðsson, 9.2.2007 kl. 12:34]

Þeir náðu ekki að sanna að hann væri þroskaheftur eða andlega veikur. Var það ekki þess vegna sem hann fékk svona harðan dóm? Var með greindarvísitölu 74 en maður þarf að vera undir 70 til að vera úrskurðaður eftir í þroska eða eitthvað álíka.

Samt smá klisja að kennu sjónvarpinu alltaf um svona lagað. Það á kannski einhvern þátt en er ekki aðalvandamálið. Ég hef horft á ofbeldismyndir síðan ég var lítill patti og ekki hefur mig langað til að drepa neinn. Fékk bara martraðir og lét mér það að kenningu verða

[mojo-jojo, 10.2.2007 kl. 01:29]

Samála Daði að það sé klisja að kenna bíómyndum eða tölvuleikjum um svona, þar sem ég sjálfur hef lengi horft á ofbeldismyndir og spilað leiki eins og GTA, Tekken, Mortal Combat og fleirri ofbeldisleiki og hef samt aldrei reynt að leika það eftir í raunveruleikanum. En það er kannski spurning að þó að greindarvísitala 73 flokkist innan svokallaðrar meðalgreindar (70-130) þá er það samt ansi lág tala og ég held að það sé örugglega ekki komnar haldbærar rannskónir um það hversu háa greindarvísitölu einstaklingur þarf að hafa til þess að geta greint munin á réttu og röngu.

Svo er annað, fréttin sem ég bloggaði hér fyrir neðan um unglingana sem lömdu gaurinn til óbóta í Heiðmörkinni. Hann var mjög illa farinn og segjum að hann hafi verið í jafn mikillri lífshættu og gaurinn sem var stunginn, er þá ekki fáránlegt að þeir skuli einungis fá 3 til 4 mánuði óskilorðsbundinn dóm en hinn 4 ár! Ég bara spyr?