Sýru draumur

11.1.2007 | 12:07

Vá ég verð bara að segja frá draumnum mínum í nótt. Í gærkvöldi áður en ég sofnaði þá var ég búinn að ákveða að fara á þessa BT útrýmingarsölu, svo auðvitað dreymdi ég það.

Draumurinn byrjaði þannig að ég stóð í geðveikum troðningi fyrir utan BT (sem var einhver þriggjahæða bygging) en allavega, þá kemur einhver gaur sem reynir að ryðjast í gegnum alla, og var að hrinda öllum, þegar hann hrinti mér þá svaraði ég fyrir mig og hrinti honum á móti og svo náði hann að hlaupa inn .

Eftir mikið vesen þá komst ég inn en þá var verslunin bara eins og einhver lítil skítug íbúð, þar sem það eina sem hægt var að kaupa var X-men 3 og einhverskonar pylsupönnu sem ég get ekki alveg útskýrt hvernig virkar og það sátu sumir og spiluðu tölvuleiki og aðrir voru að steikja sér pylsur úr pönnunni ... svo man ég ekki meira.

Svo þegar klukkan hringdi klukkan 9 þá nennti ég bara ekki á fætur. Svo þegar klukkan var orðinn hálf ellefu þá dreif ég mig út í BT, en mér fannst tilboðin ekkert spennandi svo ég fór bara aftur út, spurning hvort mig hafi dreymt fyrir þessu!