Engla kakan djöfulega

19.1.2007 | 20:25

Fyrir tveim dögum var ég að hjálpa til við að baka þessa köku. Eftir þessa velheppnaða köku þá langði mér að spreyta mig á köku sem er töluvert erfiðara að baka en það er Engla kakan úr Desert bók Hagkaupa. Þetta er sem sagt súkkulaði kaka gerð úr 700 gr. af dökku súkkulaði og til gamans má geta að allur hráefniskostnaðurinn við þessa köku er um 3500 kr. og ég þurfti að kalla út bakara til þess að redda fyrir mig möndlumassa sem ég fékk hvergi, (en þetta heitir víst líka Kransamarsipan sem fæst í Nóatúni).

En svo hófst baksturin, botninn tókst vel, kremið líka. En þegar kom að súkkulaðihjúpnum þá fór þetta að klikka. Hjúpurinn samanstendur af 300 gr. af súkkulaði sem er brytjað smátt, og síðan hitar maður 2 dl af rjóma að suðu og hellir í mjórri bunu í súkkulaðið sem maður hrærir í út frá miðju þangað til að það verður glansandi og fínt, frekar borðleggjandi eða hvað. EN NEI ÞETTA ER EKKI EINFALT! Súkkulaðið bráðnaði ekki alveg og það varð ekki glansandi og mér var skapi næst að henda kökunni í framan í Jóa Fel og co.

En hey hvernig væri það að allir sem lesa þessa færslu kommenti, þarf ekki að vera annað en að setja nafnið sitt svo maður viti hverjir það eru sem nenna að lesa þessi ósköp

Flokkur: Vísindi og fræði | Facebook