Teknir...

...í r#$&gatið, tek það fram að ég held ekki með Arsenal en miðað við það byrjunarlið sem þeir tefldu fram, sem var nær einungis varaliðsmenn þá getur maður ekki annað en samglaðst áhangendum Arsenals!

Ótrúlegur sigur Arsenal á Anfield

Jeje

ég er kominn með tónlistarspilara, bara góð lög á honum

p.s. ég er að herma eftir Gumma Kalla

Enn eitt slysið

Það líður varla vika þar sem ekki verður árekstur á þessari Hellisheiði, hvet fólk til þess að keyra varlega og flýta sér hægt.

Engan sakaði í hörðum árekstri á Hellisheiði

Gat skipt um spegil sjálfur ...

...eða svona næstum því. Ég fékk sem sagt endurskoðun á bílinn minn um daginn þar sem kom í ljós að það þurfti að skipta um hliðarspegil, hljóðkút og hemlunarljós að aftan.

Ég ætlaði svo að vera karl í krapinu og skipta sjálfur um spegilinn og peruna, en það byrjaði ekki vel, þar sem skrúfgangurinn brotnði úr gamla speglinum þegar ég var að losa hann og sat eftir á boltanum.

Svo ég fékk Ara Pál frænda minn, sem átti leið hjá, til þess að hjálpa mér. Og eftir smá maus hafðist það. Síðan lét ég skifta um hljóðkútinn og átti þá bara peruna eftir, en klukkan var orðinn fimm mínútur í fjögur og alveg að fara að loka í frumherja.

Svo ég dreif mig þangað og var búinn að ætla mér að skipta um peruna á meðan ég væri að bíða eftir skoðun, en svo kom í ljós að ég komst beint að og hafði þá engann tíma til að skipta um peru (maður sem hefði skipt um peru áður hefði líklega náð því ), en kallinn í skoðuninni gaf mér smá breik og lét það eiga sig, þannig að þetta reddaðist allt saman á endanum.

En hvernig er það er ekki alltaf djamm á Þrettándanum eða er það vitleysa í mér?

Gleðilegt ár

Shit voru þetta góð áramót, skaupið var fyndið, djammið var gott, ég varð ekki of fullur ....not .

Ég komst inn á Pravda í nýju skónum, og drullaði yfir dyraverðina þar á bæ fyrir að hafa ekki hleypt mér inn á síðasta djammi vegna þess að ég var í of druslulegum skóm. Á undan þessu fórum við á four floor hótel, þar sem eitt haldið var áramótaparty A-liðsins og var þar feiknafjör og óhóflega drukkið.

Ég var svo eins og venjulega tíndur og tröllum gefinn um 7 leitið þegar halda átti heim á Nönnugötuna, ég byrjaði auðvitað á því að labba lengra vestur í bæinn þegar ég átti að labba í austur átt, en eftir að hafa fengið leiðbeiningar hjá vinkonum mínum í 118 sem kostuðu örugglega það sama og að hafa tekið taxa.

Eftir að hafa villast svona aðeins meira þá komst ég með heilum höldnum á Nönnugötuna .

Gleðileg jól

 

Gleðileg jól og farsælt komandi ár

til allra sem ég þekki og lesa þetta blogg,

megi þið hafa það sem allra best um jólin!

Jæja það er víst ...

...búið að dæma í þessu tryggingarmáli mínu, ég tapaði feitt og var dæmdur í meiri órétt en ég var fyrir í, mér var dæmur 50/50 óréttur en var fyrir í 30/70. Ég er ennþá að melta þetta og er hreinlega í sjokki, maður er búinn að bíða í 5 vikur eftir að fá þennan skít framan í sig. Ég talaði við lögmann í dag sem ætlar að skoða málið en ólíklegt er að ég fari lengra með það, því það felur í sér kostnað sem ég á ekki fyrir.

En jæja ég ætla ekki að væla meira yfir þessu  því jólin eru á næsta leiti og gjafainnkaup og tilheyrandi stúss er allt eftir hjá mér. maður hugsar bara til þess hvað það er margt fólk sem hefur það svo miklu verr en maður sjálfur um jólin, og ég vona að sem flestir geti haldið gleðileg jól.

Ekkert frí

Jæja ég hljóp víst aðeins á mig að vera að auglýsa þetta mikla jólafrí mitt, því það kom svo á daginn að ég fæ ekkert frí, sem sagt miðað við vaktarplanið mitt. Ég verð því að vinna á jóladag, annan í jólum, svo tvo daga í fríi og síðan að vinna 28, 29 og gamlársdag.

En ég græt ekki því þetta þýðir meiri pening í vasann sem er frekar tómlegur um þessar mundir.

Hvað er með þennan storm sem er að byrja úti, ég sem er að fara að keyra í bæinn á eftir í skrall, eins gott að það verði fært um heiðina, ekki á hverjum degi sem maður er í fríi á laugardegi og sunnudegi!

Fer ekki á Rock Star

Jæja það kom upp á bátinn að maður hætti við að fara á Rock Star tónleikana sem eru á morgunn, ástæðan er sú að Gummi bró hætti við og þá nennti ég ekki að fara bara með fjólu siss og vinkonum hennar.

En annars átti Jóhanna systir mín afmæli í gær, hún varð 24 ára, til hamingju með það . Það var haldin afmælisveisla í sveitinni með pizzu, nammi og öllu tilheyrandi og heppnaðist bara mjög vel.

En getur einhver sagt mér hvað sé í gangi með þetta leiðinlega veður, fyrst kemur geðveikt frost, svo brjálað rok og síðan rigning, en ENGINN SNJÓR! maður er hérna búinn að spandera í ný vetradekk og svo er veðrið svona, ég er nefnilega einn af þeim sem vill hafa allt í sköflum allann veturinn

Veii...

...bílinn minn er kominn úr viðgerð og ég þarf því ekki lengur að keyra þennann blessaða Fiat sem þó hafði sína kosti, t.d. þurfti ég bara að fylla á hann einu sinni á 13 dögum, sem er mjög lítið miðað við það að ég keyri einhverja 20 km í vinnu á dag. En ég og Subaruinn áttum smá quality-time saman í dag, við fórum á ný vetradekk, fórum í smurningu og létum skipta um rafgeymi.

Annars er ekki mikið að frétta, jólahlaðborðin eru farinn af stað í Rauðahúsinu sem er mjög fínt, það er allt einhvernvegin svo rólegt og afslappað í kringum það, svo var ég að komast að því að ég er í fríi daginn fyrir Þorláksmessu, Þorláksmessu, Aðfangadag, Jóladag, vinn svo annan í Jólum og svo í fríi daginn eftir það svo að maður getur verið þunnur eftir annan-í-Jólum-ballið.